بداية قصتنا

في 2020، كان أخو وأخت يدرسون في أمريكا، وهناك شافت الأخت ستاند صغير في أحد الـ Farmers Markets، لعائلة تبيع حلويات مجففة بالتجميد بكميات بسيطة، بتغليف بسيط وأسعار عالية.

جربتها وقالت لأخوها: لازم نييب هالفكرة الكويت.

وبعد ما تخرج أخوها من الهندسة الصناعية في 2023، بدوا الخطوة الأولى وافتتحوا مصنع أيم للتجفيف بالتجميد.

بدأنا بمكينة وحدة صغيرة جدًا في أكتوبر 2023، واليوم صار عندنا أكثر من 50 منتج من صناعتنا.

ليش أيم؟

لأننا شفنا إن منتجات الـ Freeze-Dried بالسوق كانت غالية، وبعضها يوصل لـ 3 دنانير وأكثر، ومع التغليف البسيط ما كانت تعطي التجربة اللي نبيها.

فقررنا نسويها بطريقة مختلفة:
سعر مناسب، تغليف خاص لكل منتج، وجودة نهتم فيها من أول اختيار المنتج لين يوصل لكم.

وبعدها شفنا مشكلة ثانية بالسوق: الفواكه المجففة بالتجميد اللي تنباع بالجملة، خصوصًا بعض المنتجات المستوردة، ممكن تكون جودتها متفاوتة، وتنفتح الكمية وتظل معروضة لين تخلص.

إحنا اخترنا طريق مختلف، ونسوي منتجاتنا بأنفسنا، بكميات وجودة نقدر نتحكم فيها.

وفلسفتنا بسيطة جدًا

كل شي يصير ألذ لما يكون Freeze-Dried. 

عشان جذي، ما وقفنا عند منتج واحد. بدأنا بالسكيتلز المجفف بالتجميد، واليوم عندنا أكثر من 50 منتج، ونبي نوصل لأكبر تشكيلة ممكنة من المنتجات المجففة بالتجميد.

أيم مو بس Freeze-Dried… أيم هو المكان اللي تكتشف فيه شكثر ممكن يكون الـ Freeze-Dried لذيذ.